مستمعينا فى كل مكان صباح الخير
موسيقى
مياه النهر المتدفقه اذا اعترضتها صخره بتعمل ايه ؟
بدور حواليها وتكمل رحلتها
طيب خليكى فاكره حكاية النهر والصخره دى علشان هى اللى حتقرب لنا اللى مكتوب فى موقع البرنامج على الأنترنت
فى الموقع عناوين كتيره جدا واللى يضغط على عنوان منهم يظهر له تفاصيل الموضوع على طول ...يبقى تقصد اى موضوع فيهم ؟
الأنسان الشبح
ايوه ايوه افتكرت ... الموضوع ده عامل زى اللى بنشوفه فى القصص والروايات ....وكمان بيفكرنى باللى كنا بنسمعه زمان فى الحواديت ....الرجل الخفى ....اوالرجل الشبح
الموضوع بقى جد
ايه حيظهر قريب....او احسن لو نقول حيختفى قريب ؟
قريب جدا... بالظبط قدامه 18 شهر
كويس جدا لسه فى وقت ....ولو خدنا من الوقت ده 3او4 دقايق نحكى فيهم الحكايه المثيره دى ما يحصلش حاجه
موسيقى
الرجل الشبح
دا طبعا غير الراجل الغامض بسلامته متخفى فى نضاره بتاعة صلاح جاهين وسعاد حسنى
لأ دا حيكون متخفى فى حاجه تانيه خالص
(تقلد القاء فخم) الرجل الشبح .... (تعود للصوت الطبيعى) مش دى برده حكاية طاقية الأخفا
قريبه منها بس مش هيه بالظبط
يعنى طاقيه والا حاجه تانيه؟
حاجه تانيه ...ممكن تقولى درع
وده حيكون معمول من ايه
ما هو ده السر الدفين
سر ودفين كمان؟
يعنى هو كان سر دفين لغاية ما اتنشر من كام يوم فى مجلة ساينس ....
وبكده بقى سر بس مش دفين ....مش كده
ممكن تقولى كده
برده ما جوبتنيش: الدرع ده اللى حيلبسه الرجل الخفى علشان يبقى خفى حيكون معمول من ايه؟
ما هو ده اللى علما فى بريطانيا واميركا كانوا شغالين عليه
واتوصلوا لأيه
ماده جديده ماكنتش معروفه قبل كده
يعنى مش حيكون الدرع ده من مواد معروفه
لأ طبعا ...دى ماده مخصوص للحكايه دى
(بفخامه) الرجل الشبح
الماده دى تخلى الضوء لما يوصلها يلف حواليها ويكمل رحلته
فهمت ....زى مياه النهر اللى لما تقابل صخره تدور حواليها وتكمل رحلتها
تمام كده فى حالة الضوء لما يعمل كده منشوفش العائق اللى اعترضه
تصور بقى ممكن استخدامها او اساءة استخدامها فى أيه والا ايه
اول استخدام ليها حيكون للأسف فى الحرب ....اللى متبنى البحث ده وزارة الدفاع الأميركيه البنتاجون
يعنى بعد الطياره الشبح ....اهه حيظهر الرجل الشبح
أضافها BLACK AND WHITE, في 08:35 م, أرسلها ,
خبّر عن هذا المقال:
(1) تعليقات
موضوع: سر الرجل الخفي 
الخميس أبريل 02, 2009 11:58 am
